يمكن تذبحني أحزاني؟

بسم الله الرحمن الرحيم

يا دموعي هلي وطيحي من عيوني لي أحضاني

بللي وجهي .. بللي ثيابي

أببكي واسرد حزني على خديني

ما بقى شي بيديني غير دمع يواسيني

ورصيد أيامي جروح بصمتها على خدي تبيني

يا دموعي بللي سجادة صلاتي

ودي أقابل ربي أبكي من أحزاني

يا رب اعذرني قابلتك بدموعي

ما قدرت أضحك

وهذا حظي يرديني

أبسجد وأببكي في سجودي

أبرتاح فيه وأبنسى كل اللي حواليني

يا رب أبسألك لو مت هاللحظة من أحزاني

أصبح عندك في عد الشهيد؟؟

يا رب لو اذبحتني احزاني

ما ابغي منك غير ترحمني

يا أرحم بي من أبوي وأمي

يا ذا العرش المجيد

فك حزني فك آلامي

ترى يد الهم اشبكت في يديني

ولا هي راضية تخليني..!!

أبسألك يا ربي

في أحزاني لا تخليني

يا رب فك همي فك آلامي

أشكيك من همومٍ جايرة تنهش في صغر سني وتدميني

يا رب

يا مغيث أغثني ...!!

أتعبتني الدنيا

ما ابي شعري يصير أبيض من همومي

وأنا في صغر سني

صبري بقلبي يهديني....

"إن مع العسر يسرا, إن مع العسر يسرا"

هي اللي تهديني

فيامن جعلت بين العسر يسرين

أبسألك ما اقوم من مكاني

إلا وفرجت حزني ورحمت آمالي....


وكل المسلمين